ابو ذيه + دارميات

من طرف عراقي انا الأحد سبتمبر 13, 2009 6:13 am

مساء الخير حبايب
طبعا بالبدايه جايبلكم ابو ذيه واحنه عدنه بالجنوب اكو نوع من الشعر يسمونه (الحسجه) ههههههههههه طبعا اول مره تسمعون هذا المسطلح بما معنا الشعر الي يحمل معنى قوي وماطول عليكم اسمعوا ...

(( يدلي ))
ارى العنكود يم عيني يدلي
اموت ولاعليه تنمد يدلي
للعريان كام الحظ يدلي
وانه بقافله ويكودون بيه

وهاي كم ابو ذيه ودارمي رد لاخويه امير الحب مساجله بين حبيبين

(( يكلهه ))

علي ثوب الونين شكثر حالي
شباب وهل شبت من دون حالي
انشدج على احوالج مثل حالي
طايح والهموم تشيل بيه

(( تجاوبه ))
هموم هواي ماخلن علي حال
ومصيبه حبك من الله وعلي حال
يلتنشد على احوالي على حال
شيفيد النشد ماصار بيه

(ويكلهه )
اني الي عيني عليج واصل عماهه
وتحده كل الناس تبجي ابجاهه

( تكله)

واني الدموع اعليك ابجيهه اشكال
وتدري انت فص العين من وشلت سال

(يكلهه)

صاحوا عليه الناس واسمع ولاجن
كالوا خذاه الشوك هذا الولد جن

(تكله)

انه شلون وي هل ناس مبتليه بيهم
عمده من امر يحجون بسمك حجيهم

(يكلهه)

خل تحجي كل الناس بالج تصدكين
ولايبقه فكرج دوم بيهم تفكرين

(تكله)

ماصدك الينكال بس بيك اصدك
لان نبضي اني وياك كل ثانيه يدك
لان نبضي اني وياك كل ثانيه يدك

حلوه هاي مال يكلهه وتكله مو ههههههه
تحياتي ياطيبين
اخوكم الياسري