البنية من تروح من لبيت الى الكلية الما ترجع شسوي شوفووو هع هع بدون زعل

من طرف **Joker** الأربعاء سبتمبر 23, 2009 8:39 am

هلووو شبااب
هلووو بنات

اليوم راح اشوفكم البنية شسوي كبل متروح للكلية لحد مترجع للبيت

تكعد بلغرفة تشغل الضوة باعتبار ابو المولدة مشغل تلزم الشسوار وتجر بشعرها وترجع ليورة ولا عبالك لعبة شد الحبل تخلص شعرها بعد مايحترك ابو ابوه تكوم علكنتور
* تصفن فد ربع ساعة شالبس هذه لو هذه اخر شي تصفة عله اتعس شي بعد ماالكنتور يصير علفراش تركض علسريع تضربة اوتي خاف يطفي ابو المولدة هلحجي كامت ماما تصلي الفجر وعبالها بتها دتقوم الليل لانه الضوة مفتوح بغرفتها المهم
* تكوم علمراية الخاتون وتاخذ جص عله سمنت علشكم طابوكة لالا مو دتبني دتلون جهرتها وتحط هلاساس الي يسمع يكول رح تبني بيت اساس وطابوك المهم وجها يصير الوان الطيف الشمسية ويه شعرها لمكفش ايباااااااخ ولا باملا اندرسون
* اهوووووووووو طفة المولدة تكوم تفتح الشباك وترجع تخيط وتخربط بوجها خاف جان مرتب لالا صار بعد ارتب الركبة غير لون عن الوجه كلششششششششش حلو ..
بعدين تبدل ومتريد تتريك لانه الحمرة مو مال تمسحها وترجع تحطها لانه سطعش الف طبقة بحيث تطلع ضاربة بوتكس بشفتها المهم اجة ابو الخط .
* جق جق جق ( هاي صوت الكعب ) مال امها خطية الحذاء متعرف تمشي بي المهم وصلت للكلية قبل متروح للمحاضرة تركض ركض وييييييين للحمااااااام وتلكة هناك عركة ( سعدية ام اللبن ويه صبرية ام الموس ) ديتعاركون علمراية والفراشة خطية تتفرج فرحانة بل250 الي رح تاخذها من البنات المهم توصل الخاتونة اوي هاي شنو اوي عفية عندي محاضرة اهووو تطلع برة تفتح الجنطة الي هيه صايرة كنتور جايبة مراية الحمام ومشط بيبيتي والمكياج وترجع تخيط وتخربط المهم خلصت راحت للمحاضرة
* تفوت بسرعة بلسنتر وعينها علكاع مو خجلاً ( لالالالا) دتشوف طريقها خاف ينحشر الكعب العالي وتوكع توصل للشعبة الاستاذ ( هاي شنو هلتاخير انسة ) الخاتونة ( استاذ ابو الخط تاخر والمفخخات عفية استاذ بلييييز ) تفوت المسعدة تكعد طبعا جهرتها مقلوبة هاي شنو حارة اوي تطلع المهفة من الجنطة المهم خلصت المحاضرة ساعة بيش بلدعش ونص يلة بنات خلي ناكل فد شي
* شنو الاكل نستلة تودي ويه جبس وببسي وبطل مي ( يعني سمج علج ديتول ) شلون خبطتها ماعرف طبعا هلحجي المي ينشرب بلقصبة والكلينكس ورة كل لكمة جبس والنستلة التحلاية ورة متقبط معدتها علساس نازكة ايييييييي هاي شبيكم مو الاخت معدتها صغيرة ولا الي يشوفها بلبيت تضرب التشريب بلخمسة المهم
* خلصوا اكل دترجع للمحاضرة واجتي نسمة هوة الاخت شسوت لزمت الكذلة العفو البرجم خاف لايطير لانه البوز شلون وهناك تباوع علساعة تلكة نفسها تاخر علمحاضرة من ورة البرجم ( بنات خلي نضرب المحاضرة اكو فد شاب كلش كلش يخبوووووول واكف خلي اوكف كدامة بلكت الله يهدي ويصارحني وبعدين نتزوج ونجيب جهال الله وتحسدوني عليها بهلاثناء تلكة الصديقات ديهزون بيها حت تكعد من احلام اليقظة ) المهم يوكفون بلسنتر فوهي دتحط الكتب وكع دفترها تباوع يمنة ويسرة لانه تستحي تنحني حت تجيب الدفتر وتبقة صافنة شلون رح اجيب الدفتر والبرستيج ينهار ؟؟؟
* المهم خلص الدوام وهي كاعدة بلخط قرروا ياكلون ايس كريم ( تفتح الجنطة تطلع المكياج والبودر وتبدي تلطخ فوك العرك والمكياج مال صبح كلة يصير لبخ رهيب ) بحيث ياهنود حمر ياهندوس يصير ثلث خطوط يمنة وثلث خطوط يسرة علخدين الله تخبووووول .
وصلت للبيت ماما مخروعة عن التاخير متدري بتها يم ابو الموطا عبالها مفخخة بلطريق تجي الخاتونة هلو ماما .. خلص انتهى الحوار تصعد تبدل وتنام لاغسل لاتشحيم ولا اي شي وتجرها لليل