خســــــارة

خسارة والف ياخسارة خسارة ريدي لمن مات
زمن كاويني بي نارو مبكي عيوني بالدمعات
وفي الأخر حرق قلبي رحل ودعني ولي وفات
غريبة الدنيا غدارة بتقصد روحي بس بالذات
خسارة حبي كان صادق وقايم لسه يادابو
بعزك انت دون الناس وليك مفتوحة ابوابو
اختارك شريك للروح وشافك صفوة احبابو
ظلمتو وانت ماحاسي عديل بوظتا اعصابو
خسارة تكون عليا النار بعد ماكنت ليا النور
خدعني الريد وخلاني اشيلك في الفؤاد بلور
احسك زهرة لي عمري وافكر بيك اعيش الدور
نسيت انو المحبة خداع تبكيك يوم تكون مسرور
خسارة الفرحة ماتمت وماتت فيني مجهولة
رعيتا وكنت راجيها تطل بي صورة مقبولة
اتمنيت سرع تطلع واضوق في مرة محصولا
واشوف الناس تبارك لي تقول افراحك الاولي
مسامحك انت ماذنبك تعاملك كلو كان احسان
وماذنبي عشان حبيت صفاتك وطبعك الفنان
نقول ذنب الزمن ولا مقادير اسمها الحرمان
وسامح قلبي لو حباك بدون ماياخد إستئذان

ملكة الرومانسيه